廣東茶居 Canton Deli
| 地址 : | 尖沙咀廣東道17號海港城港威商場3樓3303號舖 |
廣東茶居係很久以前就係我個試食清單入面，但一直都苦無機會
終於係星期日的起心肝去試試
我係一個愛吃點心之人，鐘意食好多時會熱辣辣拎埋黎，出哂煙即整既感覺；
鐘意可以係一餐入面試到好多款既食物；
亦很愛係畫點心紙時左畫右畫，大點特點，最愛食到香口既油炸點心
當然亦少不了可以一邊同朋友聊天，一邊享受悠閒既生活喇，嘆！
雖然廣東茶居位於海港城既港威商場入面，但位置不算很好找，
要行得比較入先搵到，唔知點行最好先望望商場指南，唔洗行多餘既路
廣東茶居既門面以木色為主，門口中間高高掛住一個很有氣勢既中式招牌
係星期日既下午茶時間，場內大概七成滿
從裝修、佈置，明顯睇到食店係走高價中國風路經線，座位寛闊舒適
餐具係藍白色既瓷器，感覺都幾乾淨舒服，印象唔錯
係坐低後店員拎黎幾本餐牌黎，但偏偏就無點心紙，要問店員拎先有，呢點略為有少少扣分
點心既選擇都幾多元化，有傳統既點心，亦有新興既款式
點心普遍索價都要三十幾蚊
叉燒酥：賣相很討好，色澤亮麗，
放係上面既芝麻點點生輝
食落酥皮有很多層次，鬆化
入面既叉燒同醬汁配合得非常和諧
好吃！
筍尖蒸蝦餃：呢個係喜出望外之作，
點心上檯既時候熱氣不斷從蝦餃冒出，的確係剛剛蒸好既
相機既鏡頭都變得充滿霧氣
蝦餃有做到皮薄餡靚，
餡料很特別既比一般做得更爽口，
質素遠超蓮香樓既出品，比煌府既出品有更優秀
叉燒菠蘿包：賣相令人食慾大增，酥皮係麵包店菠蘿包哥種
面頭有一圈圈既深啡色部分，好像一個版圖似的
大大個，麵包很鬆軟，叉燒帶一點肥肉
但餡料略甜，亦唔夠熱
還是不及添好運既招牌- 酥皮焗叉燒包，令人食完一個後還想食另一個
芫茜牛肉腸粉：係掛住講野既情況下凍左先食
難免會打了一點折扣，但食落總算皮不硬，肉算嫩
不過不失
牛肉球：都個牛肉球係想對平庸之作，
食完後會無咩印象
但值得一提既係墊底用既係通菜，都幾少見
蛋黃千層糕：原本係係openrice睇食家既食評後最期待既一個甜點
因為而家都唔多茶樓或酒樓可以食到，反而食到馬拉糕既倒很多
千層糕顧名思義，係餡料一層一層白色，橙色，梅花間竹咁疊好
白色既係好似糯米卷咁既質感，味道淡淡既
另後有食出椰絲既味道，多了一分小爽口既口感
橙色既係奶黃同蛋黃，每一層都頗厚，有點太甜
有點失望
冰梅烤小骨:雖然已經點左好多點心,
但都要特登點呢個很多食家介紹，亦係呢度既名菜既冰梅烤小骨
佢並唔係點心紙上，而係企係餐桌上既一個小餐牌上
發現呢個名菜都算不便宜，係未加一前都要索價$78，
上菜時都有感呢個係美侖美奐既小菜
用既碟都相當華麗
分量亦算很多，建議可3-4人一齊分享
呢一味小菜果真名不虛傳
醬汁調得微帶酸味,酸甜既梅子醬配合冰糖既租香令人食得很開胃
酸甜度恰到好處
食完一件又一件都唔會覺得好膩口
果真名不虛傳
總括黎講,呢一餐都值得推薦既一,除左食物大多製作出色之外,
廣東茶居仲營造出一種與大多酒樓截然不同既風格
係一個優雅寧靜既環境,清淨了平日的忙碌感
平均消費：$150
沒有留言:
張貼留言