| 地址 : | 旺角登打士街43H號登打士廣場22樓全層 |
登打士街有一棟大廈專係做cafe既，係年現人既聚腳點
多年前黎過呢度，食物真係好一般，
但如果單以坐得舒坐得耐黎講，cafe的確係一個唔錯既選擇
原本想食牛角，但無位呢
細心既朋友從網上揀左兩間cafe，
於是我地一行7人就去cafe
去既cafe主題係天堂同地獄，全場都係名副其既年輕人，
大膽講句店員望落去都係90後
全場分左兩部分，一邊係天堂，一邊係地獄
主要係用不同既佈置黎分辨
裝飾報置都整得幾用心，令主題都好突出
天堂滿哂，要去地獄，
殊不知就開始左呢個地獄既經歷...
首先，地方雖然有冷氣，但大家都覺得好熱
想叫店員將身旁微開哥個窗關上
當我地一行三人從個位移出黎俾個哥哥仔入去既時候，先發現窗係關不上既...
真係越坐越熱同越坐越焗
無幾分鐘店員就拎左一碟咖喱吉列炸蝦飯，但我地點既係咖喱吉列豬扒
於是就叫店員換一碟
點知黎到既真係令大家望到呆左...
佢淨係張啲炸蝦移走，再張吉列豬扒撻左係另一個位，
但吉列蝦曾經出現既痕跡依然清晰可見...
將成碟食物換過一碟應係common sense 吧...
到我地話要換返炸蝦既時候，佢又話已經俾左人...
唉，唯有照食
咖喱汁量很少，很乾身，炸豬扒賣相亦異常奇特
先係皮肉分 亦唔係平時厚身哥種，而係貌似豬柳，但又似雞肉既質地
味道有啲怪異
等左好耐之後終於有多兩杯飲品，凍柚子蜜,飲落有如水喉水加左甜味,
飲左一啖唔會再想飲第二啖
真係民怨四起...
去到中段既時候，無喇喇幾張檯既單亂晒，前後幾個人黎問我地嗌左啲咩，好混亂
係環境，飲品同食物質素都支持唔住既情下，決定懸崖勒馬，埋單轉場算了
食物同飲品皆係索價不菲，三十幾蚊一杯野飲，六七十蚊一個飯
總括黎講,如果單單只係想要一個地方可以一班人坐到凌晨,仲有遊戲玩
呢度可能係一個好既地方,
但以今以今次既經驗,論環境，飲品同食物,我地都肯定唔會再黎,地獄,去過一次就夠了
消費：$20
沒有留言:
張貼留言