【品味飲食篇】LIS Café：冠軍茶王來了！

最近工作上是分外忙得不可開交，實在是想要在周六和周日讓自己好好休息一下，可以輕輕鬆鬆的吃個午餐便好～在此想要給大家推薦一個超化算的酒店自助早午餐，還可以喝到很棒的奶茶的，可以相信一百多塊便有了嗎？

當天有幸欣賞到冠軍茶王羅德師傅即席表演沖調奶茶，不少得還有可以品嘗到喇～

羅師傅來頭不少，除了是2010年首屆金茶王總冠軍外，更是2011年金鴛鴦比賽冠軍～光是看羅師傅即席的表情，已經覺得是功架十足的。

喝了奶茶和鴛鴦～ 是比想像中還要細滑和潤喉，假如鴛鴦和奶茶是要選其一的，是會更喜歡前者喔，個人是小建議是可以點少甜呢～^_^

雖然羅師傅只駐場兩天，可是之後還是可以喝到港式奶茶，咖啡和鴛鴦喔～

菠蘿油和滑蛋治也是名物～

菠蘿油是有比平常港式吃到的要小，就不用擔心吃一個便會馬上飽了～酥脆的加上牛油的化學作用是很微妙的，假如是熱燙燙的，是會不敗的喔～

吃到羅師傅親手炒的滑蛋，嫰滑程度甚至是可跟澳洲牛奶公司的相提並論喔～

除了港式主題外，還有不少別的款式呢～只是這次亮點比較放在前者便是了。

在此也提價錢供大家參考— 成人是$268，小童則是$168，必要留意的是恆生信用卡可享有半價優惠，確是超化算的！特別一提的是從黃竹坑站走過來也不過10分鐘左右呢，供應期只到8月27日～

LIS Café

網址: https://s.openrice.com/QrbS06xe000

地址: 香港仔黃竹坑道55號如心南灣海景酒店P3樓

電話: 39688833

香港仔魚市場海鮮餐廳:喧賓奪主既海鮮盛宴

香港仔魚市場海鮮餐廳 

地址 :

香港仔石排灣道102號地下

電話 : 2552 7555

朋友們一直都提及好想去香港仔食海鮮
素聞香港仔除左已經無得食既既魚蛋之外，
海鮮亦係非常有名，
朋友們都不算係很愛吃人，要佢地俾$550食海鮮飯局都須要唔少既信心
於是我就左打電話去間餐廳問一問係咩情況
接電話既人非常親切，講野亦很中肯
佢話一大班人黎食會比較食在到多啲野，
因為餐廳係按每一個餸再收加工費既
如果幾個人只可食到幾味，就飽了
而且呢度不做晚市
於是朋友亦同意參加是次既KC xYumtable既飯局了

初次黎到香港仔，飯局既地方正正坐落係近海既魚市場內
沿路行過去既時候一路有人用手推車推住一盒盒既海鮮，很有風情
飯局既地點不太容易發現，

裝修同佈置都好似飯堂，裝修以簡樸實用為主
坐既係大圓檯既一席

大家都懷住十分興奮既心情等開飯

回頭一望，見到有一個姐姐拎住一個大既銀色桶，原本係魚湯!
海鮮老火湯：
湯呈奶白色，極鮮甜
相信其他地方都幾難飲到
一黎要用好多心機㷛，係㷛左好多個鐘而成既
二黎講緊要用好多種鮮魚，
入面正係新鮮用十種以上鮮魚㷛既， 成本不低，
三黎飲既人數要多先可以飲到，呢一大煲湯最少係五圍分量，仲有超過一半人添飲
所以呢個湯平時基本上係點唔到既
雖然知道要留肚，但都忍唔住飲左兩碗
旁邊既友人大推飲左三碗

湯淨差唔多三分一既時候，驚見有好多湯渣，係煲得熔熔爛爛既魚肉同魚骨，
果然足料

下一味係白灼海中蝦
打捕蝦子既方法並唔係大多用既電捕，而係新鮮打撈既
蝦子很夠大隻，食落明顯係新鮮既，爽口鮮嫩，
肉質唔係梅既
蝦身既點點清晰可見
一般我係唔食蝦頭既膏既，但呢一批蝦頭既膏分量多而鮮味，
點上一點點豉油味道更佳

椒鹽鮮魷：
魷魚肉比一般既要厚身，很有咬勁，
個人上較喜歡食炸魷魚身，
配上一層薄薄既麵粉皮
確有比一般既優秀

椒鹽鮑魚：鮑魚本係一道名貴，應最令人期待既一道，
但反而覺得呢一道未見特色
吃不出鮑魚既鮮味，
只食到呢一件很厚身既鮑魚

清蒸游水老鼠斑：
老鼠班既身係較大而頭係明顯偏小既
賣相的確很適合飲宴用，
肉質係爽滑既，魚既表面亦係光滑既
但一如其他既大魚有既情況，欠缺左魚天然既鮮甜，食落係無咩味既

蒜蓉蛋白篜蟹：
上菜既時候，食友見到都不禁嘩一聲
可惜用既係蟹乸，個人偏偏不好食落硬身既膏
但不得不承認蟹膏確實很多
蟹肉亦算幾夠實淨，不過不失

蒸海鹹鮮：一道看似不太值錢既菜式，但反而呢一道係我盛讚既一道
因為馬鮪既體積較細，不太上得了檯面，於是加鹽放上幾小時再蒸
魚既鮮味同鹹香味很強烈，淨食會較鹹
即使食到好飽亦要配埋少少白飯食
令人印象深刻

開邊篜本地龍蝦：
難得龍蝦肉既分量同龍蝦既係成正比既
肉質紮實豐盛，蒜香味很重

西多士：
係開席之前已經有食友話必食西多士，係即整既
西多士切成兩口既大小，整齊既一塊一塊咁排列係碟中
如果要用4個字形容呢件西多士既，
我會用喧賓奪主吧
明明係一個食海鮮既地方，但看不到有關聯既西多士竟做得如此出色，
實在令人讚不絕口
外表炸到金黃色、漲卜卜既，食落去好食到覺得同以前食既西多士係兩回事
西多士入面既鬆軟程度有如牛角包，
煉奶既分量剛好，對好食既西多士有畫龍點晶之效
敢講係食過最好食既西多士，比泗益既還要好食
身旁既人都食到讚不絕口

總的來說，雖然懷住好大既期望黎呢次飯局，但依然無失望，仲有喜出望外之感
要感謝KC係5：30am去到漁船度為飯局揀海鮮
因此食到既海鮮都很優質
西多士實在很讚！

消費：$560（加左白飯）