| 地址 : | 上環德輔道西46-50號2-3樓 |
計埋今次既飯局,已經係第三次出席ISSAC同KC搞既飯局,感覺開始有熟能生巧既感覺
由第一次到有啲陌生,好似同一班唔識既人一齊食飯,仲要次次都會係唔同既人
到慢慢開始同一班愛食, 志趣相投之人一齊傾計, 分享下大家飲食既心得,其實都幾開心
今次既飲局相當大型,有超過100人, 佔用左13圍, 場面十分熱鬧, 好似去飲宴咁
已去過蓮香樓幾次飲茶,蓮香倒是第一次來,
呢一類中式適合大夥人既酒樓,好似大班樓,皇仁舊生會,長期堵塞係我既要食既食肆名單中
事關實在不客易可到一大群愛食之中一齊去試
是晚亦十分幸運可以同一班唔同背景,因為飯局而走埋一齊,而很啱傾,投契既食友呢
去親飯局都總有一種特別既現象--
每一次一上菜都有一大堆相機,手機圍住個菜式,
大家都可以影到夠先開動,真係一個很特別既氛圍呢
仲要每一次都可以影超過最少超過15張既食物相
今次既飯局包左三樓既位置,坐了舊式既升降機到3樓後,
便見到老店既裝潢同佈罝,樓底較低
當然,服務員亦一如老店,像太平館既作風,用既多係有返咁上下年資既伙記
服務都尚算合格
~~仲夏主題飯局開始~~
懷舊金錢雞:
恕小妹孤陋寡聞,真係唔知咩係金錢雞亦未食過金錢雞
第一眼見到既係面層既叉燒,再而係一塊冰肉,底層係雞肝
所謂既冰肉,係同叉燒一樣SIZE既脂肪
是的,很邪惡既一道菜,已經忘記了是多少年前吃過像這種又厚又大的脂肪
但外表閃閃發光,油身既脂肪加上相對較乾身既
很美既配搭,食落亦不見得會覺得十分肥膩呢，好吃
夜香花冬瓜盅:
呢個係是晚既主打，成個頭咁大既冬瓜盅
飯局本應係可再加多幾圍，
但因為廚房既爐。能容納到製作13個冬瓜盅
所以以13圍為極限
冬瓜盅看起來很有優雅脫俗既感覺
配合五顔六色既配料，如香菇，蝦子，鴨肉等等
排列好係盅邊作點綴
冬瓜既分量很夠多，整圍享用一輪後仍可有不少人再添
是為夏天解暑一個很不錯既名物
百花三味:
很優雅既名字呢
呢個係飯局既限定菜式, 百花三味係指鳳尾蝦多士,椒鹽釀吊片, 香煎百花雞
鳯尾蝦多士:食呢一道菜既時候，難免會同鳯城酒家既招牌有所比較
呢度既蝦多士的確不及鳯城既乾身爽口，
有啲炸耐左了油分頗多
反之椒鹽釀吊片製作得唔錯
吊片中釀左爽口嫩滑既蝦膠，很特別，
吊片做得脆口，有咸香，
脆皮厚度恰到好處
香煎百花雞係一個創意菜式，
將係斬件既雞皮同雞肉交係蝦膠之上，
係一個花心思既菜式，還要係要係釀既過程中小心咁唔好皮肉分離 雞皮夠香口，雞同蝦一齊食感覺可是很有趣呢
羅漢津菜卷:
呢一味係將羅漢素菜捲入大白菜內,做成一個厚身既菜卷
個人上覺得汁較厚身
大白菜食落亦較多渣, 亦不容易消化
反而感覺爭左哥種蔬菜應有既清新自然既特色
時令荷葉飯:
呢個係相對較為清淡既一道菜
將荷葉做成一個碗狀，
再將飯同已平均佈於飯中既配料將＂荷葉碗＂填得滿滿的
飯食落有很淡淡既荷葉香，米飯粒粒分明
吃多了濃味既菜式，來一個清淡的也不錯
~~好戲在後頭之甜點篇~~
比起主菜，其實和更愛呢度既甜點，有比預期既還要好食 
人氣馬拉糕:
兩大籠馬拉糕拎黎既時候係熱辣辣，煙霧彌漫既,香氣四溢
馬拉糕切成中等大小，極之鬆化，基乎不用多加嘴嚼
係製作過程中打入了很多空氣，
從馬拉糕表面有極多圓形凹入去既地方便可探知一二
呢度既馬拉糕確實係高水準之作
有比蓮香樓既優秀
招牌蓮蓉包:
蓮蓉包係蓮香出名既點心,但即使係蓮香樓都未有機會食過
雖然早早已知道蓮蓉包唔係即整,而係翻熱既，但仍覺得呢個蓮蓉包係值得推薦既
由於係翻整既原故，包質明顯不及即整既鬆軟
但仍算合格，入面既蓮蓉有特色
比一般既要企身，驟眼看上去蓮蓉好似好有彈性
將佢一分為二再輕輕一拉既時候，明顯係見到蓮蓉包張力十足
置於蓮蓉底部既蛋黃，既不硬又不乾，很好，
想必新鮮整定必更好吃
總括黎講,呢一餐係挺不錯既晚餐,以$210呢個價錢食到咁多菜式已算是很化算既選擇
當晚既氣氛亦十分熱鬧
消費: $210
沒有留言:
張貼留言