| 地址 : | 旺角彌敦道628號瓊華中心6樓 |
從旺角某地獄cafe逃出黎後，已經係快要11點(可見2世界食評)
我地一班人又再次返去兩個鐘頭前訂唔到位既牛角了
仲可以享有一啲要10pm後先有既優惠
之前係快要十點都無位
其人氣程度從此都可見一斑
之前有食過九龍灣哥間牛角覺得都係好食既，今次特登同一班朋友仔黎試下旺角呢間新店，
一班人可以試到好多野食呢
店員已預先講好左七個人既位要坐六人位，但即使四個女仔坐一邊既梳化都唔會覺得逼
無咩壓逼感，光線亦算充足
承蒙大家錯愛，被大家覺得我係一個識食之人，被大家邀請擔當發板點菜一角，
係大家都肚餓點了不少有優惠既燒肉選擇，另加左一啲其他燒肉選擇，熱食，飯類，甜品
王樣牛腹胸肉：一份係大大，厚度十足既兩件，另附兩份牛油
先將牛肉烤至五成熟，再將牛肉一小份一小份
置於牛油上，用牛肉既熱力將牛油融化，
令牛油香慢慢滲入肉質內
肉質確有比一般既鮮嫰可口，但稍嫌食落有一點渣
纖維不夠嫩滑
上級牛肋肉：牛肉既肉汁有鎖住，牛既紋路亦清晰可見
油脂亦剛好
論肉質還是不及豐園，食落令人有驚豔既感覺
香葱牛舌：我係牛舌既粉絲，基乎牛舌都係我燒肉既必點之選
未燒既既牛舌鮮紅潤澤，很新鮮
燒後亦濃度十足，即使唔加葱亦很好食
牛舌有預先灑上鹽花
但可惜既係即使燒得剛好，肉質亦較韌
牛舌要一啖食落去，較難咬開
亦稍嫌牛舌太薄身，食唔到厚切牛舌哥種令人滿足既口感
石鍋泡菜豆腐海鮮湯：作為一間燒烤店，其他熱食不容易引起食客既注意
其中可以考慮既係海鮮湯，
上菜時氣勢十足，熱鍋放係一個四方形既木盒內
煙不斷從鍋中冒出
橙紅色既湯混合左海鮮既精華，味鮮甜美
牛角飯：飯上鋪滿一片片脆香既紫菜，
飯內混進了無肉汁,再擠上檸檬汁
即使無肉進口都覺得好吃
將蛋汁、紫菜，飯，蔥後充分攪拌後便可吃
係加蛋後米飯充滿蛋汁，多了，分潤澤
蛋汁亦香味十足
牛角雪糕：甜品必點之選
雲呢拿雪糕上淋上了黑蜜，再沾上了黃豆粉
建議要一啖內要混含了以上既三種材料，先可食出牛角雪糕既精萃所在
雪糕奶香十足
銅鑼燒：有兩款口味，分別係雲呢拿同綠茶
雪糕賣相有很豐厚紮實既感覺，
原來店員話烤上10秒，但係烤後毫無起色既情況下
決定要多烤一陣子
放係爐面燒上20秒，做成餅面中間深咖啡色，微微爆開便成
食落外熱內冷，很特別
兩種款式亦有紅豆作餡料，
甜度恰到好處，亦很豐富
總括黎講，呢一頓既日式燒肉有附合到我黎既期望，肉類調味、肉質都很不錯，
烤肉之餘，特別係甜品都很好吃
另外一讚既係店員都很細心有禮，上肉類既時候會細心既附上一把剪
不過最好可以再自動啲加茶
值得一讚係其抽風系統，燒既時候唔會煙霧彌漫，燒完亦唔會覺得成身燒肉味
消費：$110
沒有留言:
張貼留言