德藝會 Telford Recreation Club
| 地址 : | 九龍灣德福花園P13-14號 |
是日因親友邀請既原故到訪行會員制既德藝會享用點心。雖然唔係第一次到訪，但依然懷住略為興奮既心情黎歎點心，皆因第一次食既時候已經覺得呢度係一個環境 幾優雅，食物很優質既隱世小廚。星期日既中午時間黎到難免人山人海，大廳已滿座既情況下被安排到偏廳就座，亦係所謂既麻雀房。雖然房間不大，但桌子不少， 位置亦夠寬鬆舒適，房間中有華麗既小水晶燈，亦有各樣既小型藝術品，環境優雅。
熟悉環境既親友已經建議左幾個值得推薦既菜式-
薑葱牛栢葉：一向也不算很愛吃牛栢葉，但呢度既牛栢葉有獨特既風味，雖然係菜名上並無明確既表示係有辣味既，但吃下去微辣口感令人留下印象，輕微既辣度很合宜，不會太麻太辣，牛栢葉口感要比一般既爽口得多，連碟底既湯汁混著吃，味道更濃郁
XO醬蒸鳯爪:賣相很討好既一個點心, 鳯爪膠質很豐富,很豐腴;醬汁亦很濃郁,但感覺不像是XO醬,反而像豉汁,但還是好吃的;如果能令鳯爪外皮既部分更有彈性,相信整體質感將會大大加分
魚湯小籠包：是日最心動既菜式，每一分量有四件，一個個小巧既小籠包泡於魚湯中，當砂鍋既小蓋子打開時候，清甜既魚湯清甜撲鼻，冒出蒸氣。小嚼一口小籠包， 肉汁豐盈美味，肉質鮮嫩鬆軟；魚湯係呢個小籠包既亮點，帶奶白色，除了可以伴小籠包吃之餘，還可直接當清湯喝，大口喝下之後亦不會口渴。小籠包其中一個精 髓乃係要夠薄皮，呢度既小籠包確有符合到此個重要的條件。肉汁，肉餡，薄皮互相輝映，真精彩，吃一個略有點意猶未盡
花膠節瓜例湯:呢度既湯有兩款選擇, 一係好似一般酒樓既例湯,一係另一款聽落稍為名貴,有花膠既湯,我地點了後者,一般黎講,一壺湯已足夠4-5人分享,驚喜的發現濃湯內有驚喜的配料，有節瓜,花膠同原粒帶子，飲落湯味道濃郁，喝後亦沒有絲毫口渴的感覺,如果下次再光臨的話，必然再點呢一個湯, 幾十蚊一壺,值得推薦
芝士海鮮酥：貌似蘿蔔千絲酥既點心，肉眼可見外面既酥皮係一層連接一層既，但中間既芝士係汁而唔係想像中既醬, 太稀身了,亦食唔出芝士既香味,所謂既海鮮亦只係係芝士搵入帶子碎同好細既蝦子,算係稍為令人失望之作
瑞士朱古力炸鮮奶：近來一直好想食炸鮮奶，但炸鮮奶確係一個頗為冷門既菜式，可能是因為製作炸鮮奶既工序不少的原故吧，記得上次係呢度食過蜜瓜味既炸鮮奶， 如今以餐菜單已轉成瑞朱古力口味了，雖然還是鐘情原味既炸鮮奶，但還是可以一試朱古力口味吧。保持水準既係鬆化香口既脆漿，不油不膩；內裏既炸鮮奶夠香 滑，半凝固狀態，朱古力味沒有奪去牛奶味既風采，有兩種截然不同既口感，值得一試
瑤柱珍珠雞：吃到接近尾聲，開始飽既時候，米飯類既食品吸引力已然大減，但依然覺得這個珍珠雞做得還不錯，糯米做得有咬口，裏面包裹既肉類分量合宜，咸度適中
總括黎講,整體上呢度既點心確實做得很不錯,質素可比個人喜歡既THE ONE煌府,很值得再來; 環境亦很舒適優雅，頗為適合於這裡花上一個星期天的下午
註: 非會員如要用膳可免費登記成臨時會員,但點心將會以原價計算,未能享有點心8折優惠
人圴消費：$70
沒有留言:
張貼留言