14JUL2012
| 地址 : | 銅鑼灣加路連山道7號地舖 |
今日特登重臨3年前黎過既BURGEROOM,星期六既下午真係全場爆滿,記得以前係自助式,但而家不單係有人服務,帶位,仲多左好多服務員
好彩仲有BAR檯位仲有位,但BAR檯坐得真係唔係咁舒服,特別係啲椅子, 難坐,上去之餘亦唔好坐,係前面擺左好多獎項!
叫左CLASSIC BURGER, 呢個時段好好既係可以加入$20就有薯條同飲品,講緊既係果汁或者一罐汽水,都幾抵,可以自己係飲品櫃自己挑選(除左有酒精飲品唔包之外),飲管,茄汁都係自助式,自己拎既
等左大約20分鐘,野食終於黎左,聞到好香既牛肉味, 失望既係薯條一食落去明顯唔係新鮮炸既,唔夠熱,仲有啲油, BURGER十分大個,差唔多有一隻手掌咁大
食落亦好有驚喜! 麵包有微微烘過,口感很好,最好食既係又厚又JUICY既牛肉,煎得啱啱好,要食晒成個餐都好唔簡單
真係好值得去食既BURGER,但希望薯條可有改善,最少要新鮮炸吧
沒有留言:
張貼留言