御泰坊:豐富既泰式晚餐

御泰坊

地址 :

觀塘觀塘道418號創紀之城五期(apm)4樓1-2號舖

電話 : 3580 1660

係冇訂位既情況,1,星期五既夜晚都要等上40分鐘,呢次坐左係餐廳外可以望到既位置上,叫左好多野食呢

泰式酸辣鳳爪: 係一個刺激味蕾既前菜,真係幾辣,但又幾惹味,帶點酸味, 最方便係鳳爪冇骨既

炭燒豬頸肉:唔係好覺有炭燒既味道,食落味道幾好,但都幾油,食完成個底都係油呢...

香芒軟殼蟹米紙卷:呢個冇想像中咁好食,紙卷好厚,炸軟殼蟹亦唔算香脆好味

炸蝦餅:呢餐最好食既菜,炸得熱辣辣既,小心燙口!
麵包糠薄薄既一層,好香脆
入面既蝦十分彈牙爽口! 有很豐富既感覺!讚!

咖喱羊:撈飯唔錯既選擇

炭燒牛扒(唔係好記得叫咩名..): 呢個賣相好得,但其實味道一般,而且印象中呢個價錢唔平...

 

如果冇人等位既話,呢個真係一個傾計幾好既地方,地方好好坐,都算可以坐得耐,坐到11點多啲,服務員湛水亦湛得好密

平均消費:$130