潮州合成甜品 Chiu Chow Hop Shing Dessert
地址 : | 九龍城龍崗道9號地下 |
第一次食合成係好多年前佢啱啱開既時候,哥陣雖然人流唔多,但真係真材實料,簡單既材料已經整到好好食. 時至今日,十分難得既係佢還可以保持水準!
對於一間食店黎講,保持水準係最難既,好多好食既餐廳都因為出左名就粗製濫造.相信呢個係合成可以時至今日係OPENRICE有超過200個笑臉,人氣有加冇減既最大原因
最得意既係基本上係可以自行組合糖水入面既料,可以一次過食好多我鐘意既料
腐竹薏米蓮子雪耳 (自由組合): 成個甜品好清甜,感覺食完喉嚨亦很舒服!
入面既料食落味道好夾! 特別係蓮子整得好鬆化,一啲都唔苦
但雪耳同我想像既真係唔太一樣,我偏愛林身既,但佢既雪耳係爽口既
綠豆爽清心丸: 賣相係麻麻,但其實味道唔錯, 清心丸係合成既招牌,好少地方食得到, 食落好似有咬口既椰果,幾得意
呢度既姐姐都好友善,門口仲有一位好親切年輕既妹妹:)
消費:約$58
沒有留言:
張貼留言