香港潮州商會會員俱樂部
| 地址 : | 上環德輔道西81-85號1樓 |
是次係我第一次參加KC搞既飯局,之前已經有聽聞KC同Issac經常會搞唔同既飯局,
今次終於有機會參加了! 今次既地點係上環既香港潮州商會會員俱樂部,從來冇黎過,好似係只招待會員既,
本身係掙扎好唔好黎,畢竟$490都不算係一個好便宜既價錢
但本住見到呢間食店網上唔少人食過後都好評如潮,我亦很愛食潮州菜,
更難得既係呢度係行會員制既, 非會員既唔會訂到位自己都唔會有機會黎到,
所以就決定要黎試一試,黎見識下
飯局係8PM開始既,但少黎呢頭既,都要花上一點時間搵呢個地方,搭電梯上一樓黎,轉左,
就到左當日飯局包廳既地方, 係一個偏廳的大房,
入面有2張大圓檯,一張12人,一張13人
裝修係好有老店既氣勢同感覺
服務既姐姐停亦睇得出係經驗老到既
***
未幾就已經上菜了
潮式手撕凍烏頭: 身為潮州人,烏頭是家常菜既常吃之選,
但也不禁驚嘆呢味手撕凍烏頭既巧奪天工
雖然烏頭呢種魚唔算係好多細骨,但要以手撕既方法將原條烏頭拆成一磚磚魚肉亦談何容易
鮮滑既魚肉,肉質實淨,拆得十分完整
雖然傳統既烏頭係要講求標好多黃油先算係靚烏頭, 雖然呢條魚冇黃油,但論呢條魚既鮮甜程度,花上既心思,已屬上品
鹵水鵝併鵝肝:呢個係潮州菜既經典菜式,可以話係必食既
鹵水沐既濃郁香味一上菜就已經聞到
個人最鐘意食鹵水鵝片,肉質係最細滑既,基本上係唔會硬既
試一薄塊 鹵水鵝片,
敢講係我食過最好食既鹵水鵝片
檸檬燉鴨湯:唔係太欣賞呢個湯,飲落都幾酸, 鴨香味俾檸檬既酸味稍稍遮蓋了,係湯入面仲附了一件鴨肉,還可以
糯米蟹: 糯米飯係放係底層, 薄薄既一層,大家都要爭相試一試
嫌要親手食蟹太麻煩,只係淺嚐左一舊
蟹肉尚算實淨,最忌係食到水蟹, 又鹹又冇咩肉
底層既糯米飯吸收晒蟹既精華,多了一份鮮甜既味道,幾好食
骨香倉魚球: 很有氣勢既一道菜
魚肉明顯係新鮮既, 雖然魚本身係很大既一條,但肉新鮮彈牙,調味濃度適中
成條魚骨酥炸後斬件上, 但食落去好似咬唔爛咁,試左一啖就冇食了,
睇黎要多一啲牙力先食到了
濃湯浸奶油白菜: 望落去好似餃灸子咁,菜綠色既部分都係向下既, 幾有創意
幾欣賞既湯底,濃味得黎又能襯托到白菜既清新自然
糖醋麵:全晚最期待既菜式,小時候最愛食潮州地既糖醋麵,好少地方會有呢個菜式
先有將麵炸過, 再將表面煎至香脆,至金黃色;
入面既麵依然保持爽口
灑上糖或蘸醋吃,建議唔好落太多調味料,否則會蓋過麵既香味
稍為失望既係入面麵既分量太少,唔夠厚身
而且傳統既係應該煎香兩面,而唔係淨係睇到既表面
但已屬不錯之選
反沙紅薯配杞子桂花糕: 傳統既係反沙芋, 呢個係用上蕃薯,
外皮同反沙芋既一模一樣, 有塊塊脆糖,
桂花糕味道不錯
燒福果芋泥: 我最愛既潮式甜品, 傳統既芋泥少不免用上豬油
心想眼不見為淨,少食多滋味只要唔好成層油係面就可以
呢個芋泥甜而不膩, 值得一提既係上面既白果,先切成一半將中間哥條苦既芯挑左出黎
再排成花形, 食落口感有啲似蓮子
麒麟果: 人生真係未見過呢個水果, 佢係黎自哥倫比亞既,
有啲似火龍果,但果肉係透明既, 果核係食得既,但比較大粒
近果皮既果肉纖維比較多, 多左一種口感
食落幾清甜
零售價都要$70-80, 都幾不便宜
係一個幾特別既嘗試
總括黎講,呢度既潮州菜式係少有既做到色香味俱全,令人一試難忘,
感覺有值回票價:)
消費: $490
沒有留言:
張貼留言