順德公漁村河鮮酒家
| 地址 : | 佐敦偉晴街 24-26 號地下 |
錯過了上一次係順德公既飯局，食家朋友一直說佢既雙皮奶有多好吃，有多好吃多濃郁，牛奶既成分有多重，好吧，點都要黎試試看，雖然地方都真係比較隔泄，係柯士甸站，亦要感謝兩位朋友不嫌遠，同我黎呢位食飯。係約兩小時前，預先打左黎訂呢度訂位，仲預留左三個雙皮奶。
呢度係一個位於地鋪既餐廳，可容納五六十人，係近窗既地方有一個魚缸，有各種既魚類，係魚缸對住既天花上有兩盞好似街市用黎照雞蛋既燈，幾特別。係星期五既九點鐘入座，全場約六成滿，而四人座位黎講，檯都好寬闊，但有好多檯腳位會頂到腳，檯同檯之間既距離亦很近。
因為係食海鮮既關係，菜單上有很多菜式都係時價，點左幾款小菜，包括帶子鮮蝦大良炒鮮奶，半隻烏槽雞，千島蝦球，加埋兩碗白飯
帶子鮮蝦大良炒鮮奶：原本諗住食炸鮮奶的，但原來呢度並無做炸鮮奶的，睇黎要去天與地先有得食了，呢個菜並無帶黎太大既驚喜，雖然係叫炒鮮奶，但奶味並不夠香，但蛋有比一般既要滑一些，蛋白既分量頗為多，反之帶子肉同蝦肉都是散開小小顆的，分量亦不多，不容易搵到
半隻烏槽雞：烏槽雞算係呢度既名菜，先係用錫紙包住整個係錫紙上剪一個十字，繼而上菜既時候先將錫紙完全撕開。調味既材料各種各樣的，很豐富，但雞既分量還真的偏少，每件雞亦切很細的一件，但雞係入味而且滑身既，當中既醬油味亦很特別的有鹹香，很不錯既菜式，但有點偏貴
千島蝦球：本黎諗既千島醬會係呈橙色既，原來係奶白色才是。用既係河蝦，有份外既鮮甜味，河蝦大隻爽身，肉質偏厚，配合濃度同甜酸度剛好既千島醬，別有一番風味。千島醬內也混有沙律中常出現既配料 --菠蘿，青瓜等等，係一個開胃菜式。
燉雙皮奶：來到了是晚最期待既一個甜品菜式，價值每個$21.8既雙皮奶，點了兩個熱一個凍既，係上菜既時候店員貼心提示已洗匙羹。雙皮奶用既係順德既水牛乳,每天船運來港既,偏流質，有點水水的，不同一般像大良八記，偏固體既，食落去便知道此雙皮奶不同彼雙皮奶，奶味的確非常濃烈，有水牛既乳香，而且亦不會有膩既感覺。個人偏好熱既,因奶味的確很香,如果不喜歡奶味濃烈既,便可點熱既, 但凍既"雙皮"效果明顯突出, 但始終還是喜歡澳洲牛奶公司既燉鮮妳，吃下有令人驚豔既感覺。
總括黎講，呢餐係幾令人滿意既一餐，但索價略高，好像沒有吃到甚麼也索價快要$200呢！
平均消費：$178
