2012年9月30日 星期日

月餅第二擊:嘉麟樓 Spring Moon

嘉麟樓
地址 : 尖沙咀彌敦道19-21號半島酒店1樓
電話 : 2696 6760

今年嘉麟樓月餅除了於第一日已經售罄之後, 亦被炒至一個瘋狂的地步, 本係今年已經諗住沒有機會可品嘗嘉麟樓月餅的美味,但很幸運既係有位朋友願意分享,可淺嘗一件奶皇月餅,其實已經很滿足了! 

奶皇月餅置於一個小巧精緻既盒子內,賣相依然很吸引


當心,係張月餅一分為二既時候, 要非常小心,因餅皮算是相當脆弱的,小嚼一口, 餅皮充滿牛油香, 稍嫌這餅皮乾身了一點; 但深橙色的奶黃餡料是做得不錯的,蛋黃充分混和係奶典當中,兩者相得益彰,恰到好處


呢一件月餅對我黎講既價值唔係食到呢一件月餅有多了不起, 而係見到朋友慷慨主動分享既精神,真的令我很感動

消費:$0

月餅第一擊:曾記粿品

曾記粿品 
地址 : 上環皇后街1號皇后街熟食市場8號檔
電話 : 2540 6854

因為很愛吃芋頭,芋泥月餅係月餅當中其中一個賣飛彿,而係香港有名製作芋泥月餅既有和記隆同曾記,係中秋佳節,和記隆月餅要排隊之餘,價錢亦要比曾記貴得多,係試過和記隆後,特登去到曾記買月餅。

曾記座落係上環熟食市場既一角,係平常既時間,曾記賣既主要係不同款式既粿,因為人手不足既原故(亦相信做月餅既利錢要比做粿多得多),係中秋期間將會只賣月餅。



係星期六既下午,預先諗住打左電話去訂月餅以防白走一趟,店員告知可以不用預先訂定,因佢地會係四點鐘開始即整月餅

到達曾記既時候見到一盤盤既酥皮月餅已準備就緒,幸運既係沒有出現人龍,因月餅還是熱既關係,所以還未加以包裝,係放入鐵盒既時候,店員亦加以提示係到家後要把蓋子打開數小時放涼,芋蓉亦沒有加蛋黃呢個選擇。


回家後打開蓋子,見到四大個既潮式月餅,的確,食落去既時候深深感受到酥皮做得很出色,夠皮薄鬆化,而且猶有餘溫,但芋泥既部分的確係令人有點失望既,芋泥整得不夠香,亦較甜同結身,論香度確不如和記隆既,當然,價錢亦係有差距既,但如果還是呢個質素的話,明年再來買既機會的確很不高


消費:一盒$140

2012年9月29日 星期六

兜記即燒乳豬專門店 :誰是主角?

兜記即燒乳豬專門店 Dow Kee Restaurant
地址 : 灣仔杜老誌道6號群策大廈3樓
電話 : 2836 3108

是晚同一行11位食友組成了一圍人去兜記食乳豬,我地所預訂既位置正正處於一角,可放聲聊天呢!當晚可能係因為平日的關係,場地看上去不會感覺不會人很多,地方亦頗為舒適
店員服務亦頗為殷勤

滷水豬腳仔:這應該是前菜之一,相信沒有用於烤乳豬腳既腳正正拎左去做呢一道滷水菜式吧!個人上很欣賞呢一道菜式;豬腳仔賣相看似皮光肉滑的,表面亦帶有亮麗的光澤。吃下去豬腳仔炆得非常入味,滷水汁已充分滲入。膠質亦佔很大既部分,帶一點點既嫩肉,好吃
 

兜記即燒乳豬:因為係即燒既關係,店員會先確認可以上菜既時間,確保燒出黎既乳豬夠新鮮,夠脆皮。果然,乳逐全體賣相很吸引,廚師有用心的一塊一塊係切後砌 回原有的形狀,燒得剛剛好,上菜既時候不禁令大家嘩然,爭相拍照。乳豬皮脆肉嫩,脆皮比一般既薄身,肉既分量亦幾夠多,不見油膩感,唯一比較奇怪的係肉跟 皮既部分係完全分離既,不是一般酒家的做法。




配搭乳豬吃既係綠茶味既花形麵餅,好似食片皮鴨會食哥種,饅頭既質感,雖然呈綠色,但完全無綠茶味的,但連埋乳豬食會有脆同軟兩種口感,夠傳統。
後黎豬頭既部分有再斬件後上,肉的確非常不多,但肉是嫩的。


焗鵝腸:焗魚腸呢個菜式常會聽到,但吃倒是第一次,覺得味道較一般,小試一口便夠了,吃起來味道沒有很香(後來吃到名門的焗魚腸,有比這裏的較出色,詳細可見名門食評)

豉椒炒蟶子皇:此菜式乃是食友的朋友推薦的,雖然乳豬應係是晚最優秀的菜式,但呢個炒蟶子皇係全晚最出色既一道,先起蟶子肉,再加豉椒炒,再用巨大既蟶子殼 墊底。蟶子很新鮮,很夠厚身,爽口;另外亦要一讚豉椒汁做得不錯,不會太濃味,搶了蟶子既鮮味,濃度剛剛好,能更突顯蟶子既優點。


砂鍋粉絲煲:呢一味無名貴既材料,但很夠熱,鑊氣十足,鐘意粉絲挺身得黎夠彈牙香口,配上切得很細既蛋絲,芽菜,干葱黎炒,簡單好吃,稍嫌有夾起會有一小撮粉絲黏住既感覺


炒鵝腸:食下去感覺跟焗鵝腸差很多,鵝腸偏闊身,炒得色澤均勻,富有彈性;食落亦無腥味, 醬汁跟鵝腸鮮味調和得不錯


酒糟海中蝦:呢個好似亦係呢度既名菜,賣相蝦炒得乾身,不過因為個人上比較懶既關係,不太喜歡要剝殼既蝦,蝦殼亦不至於軟得可直接食;食落蝦肉亦不太特別,好像稱不上名物吧


荔芋鴨:呢個係一個很期待既菜式,但係真係稍為令人失望。賣相很好,酥炸好似芋角既外圍,但食落芋蓉很乾身,不夠濕潤,整體大扣分,只吃了一口


家鄉梅菜卷:不確定這個叫甚麼,但很有家常菜風味,係用長形既煎蛋捲住梅菜,甚有鹹香,直接食味道可能會稍鹹;不嫌飽的話,加一點米飯拌住吃,味道剛好


南瓜西米露:當大家都吃得很飽,要棒住肚子既時候,甜品其實一般黎講都不太吸引,但反而個人很喜歡這個平凡既既甜品,稠度同甜度都很合宜,有淡淡既南瓜味,係食完多道鹹點後,吃甜甜的感覺很好,忍唔住食哂...


消費:$300

2012年9月27日 星期四

東海堂 Arome Bakery: 膩了...

東海堂 Arome Bakery
地址 : 旺角港鐵旺角站18號舖  
電話 : 2803 2398

我是一個栗子控,
而係眾眾連鎖西餅店中最欣賞既莫過於係東海堂既栗子西餅
最鐘意既係以前$8呈隋圓形既栗子撻,
栗子蓉有很夠香滑

最近見到東海堂新出左一系列既四方撻系列
見到出左栗子吉士撻,索價$14
用既材料同味道跟原本既栗子撻差別不算很大,
係Size大左,比較有體面,栗子蓉頂部有粒栗子
吉士打多左,同埋係吉士打中間加左粒粒栗子碎

食完成個撻之後,栗子蓉既質素係保持到既
但覺得都真係好膩,胃很漲既感覺
還是原本既栗子撻好...



消費:$14


Monster Sushi:不復當年勇

Monster Sushi
地址 : 尖沙咀彌敦道63號iSQUARE 國際廣場3樓302號舖  
電話 : 2111 1116

猶記得當年monster sushi 剛打進香港市場既時候,
係朗豪坊晚飯既時間店外堆面排隊後,
要苦等30分鐘先可以入座

時至今日,假如係晚飯時候黎到,依然要大排長龍
但10點後幾乎可以不用排隊就可以順利入座
坐既係迴轉檯,但係呢個時間迴轉中既壽司都係七零八落既
點都係自己點比會比較好吧



珍寶帆立貝壽司:帆立貝有夠肥美,尚算鮮甜
但壽司既飯粒很硬
見到隔離哥個位既女士有好舊飯都無食到呢


三文魚壽司,燒三文魚壽司:望落去唔係白邊很多
但食落都算幾香

芒果三文魚沙律腐皮壽司:反而覺得呢個壽司幾特別,幾豐富
望落去顔色亦係很美既配合

原味玉子:味道一般,吃不出有蛋香,亦唔夠熱

炸物普遍黎講係失望既
溫度不足,都係整定既
炸雞軟雞好硬,亦較油膩

雜錦天婦羅都係咁上下既水準,凍左,
加上脆既部分比較厚身,亦唔係鬆化既
想像中既南瓜天婦羅同蕃薯天婦羅都無出現
食既係沒有很喜歡既青椒天婦羅


消費:$120

2012年9月26日 星期三

土司工坊:終於一聚

土司工坊 Toast Box
地址 : 旺角亞皆老街8號朗豪坊4A樓12舖  
電話 : 3514 4552

是日同久違既姊妹黎個下午茶小聚,
很難得既係約左好耐終於約了
原本係約係suzuki cafe既,
但因我想試試土司工坊既關係,我地就黎左了呢度
謝謝姊妹既遷就

呢度係係位於haagen-dazs旁邊,上手係delifrance
位置正正係長電梯旁邊,
所以搭緊既人係會沒會清楚見到土司工坊既食客



呢度亦係自由入座既,二人以上搵位不太容易
幸好係角落位置有一張四人檯剛好空了出黎

但上手有小朋友,食到成地都係,
店員要好耐先發現呢個位要執檯,亦收拾得比較慢

係星期六既下午,人龍都唔短,但收銀只有1個
等既時間相對要長一點

點了人氣既叻沙同美祿
叻沙係呈橙紅色既,望落去好辣
但食落係微辣既
配料亦算豐富,有橫切一分為二既蝦子,豆卜,魚片
豆卜浸得很入味
略嫌麵條太零碎,麵質較稔

因為美祿好少地方有得飲既關係而點左佢
略為甜左少少,
反而有機會可試下奶茶,好似係即拉既



正常呢度既人都係人來人往既
但我地坐既角落位很理想,可以由還亮既時候傾到天黑,坐左3,4個鐘

消費:$50

 

2012年9月24日 星期一

Lab Made 分子雪糕專門店:就是GIMMICK而已

Lab Made 分子雪糕專門店 Lab Made Liquid Nitrogen Ice Cream Laboratory

地址 : 大坑布朗街6號地下
電話 : 2670 0071

 星期天同三位食家去了最近位於大坑既大熱分子雪糕

大家都懷住興奮既心情呢

門面已經係很值得影,係開放式既,製作過程階係一目了然,店員係穿著住白色既袍,很有俏皮實驗室既感覺

未幾,就見到有一股煙從製作既工具中湧出,相信係製作分子料理用既氮吧


相信製作過程正係主打吧

係不同既時期會有四款雪糕供應,吃不到紫米露口味,可惜

呢度點食物既模式係先俾錢,再等叫號碼既 

呢度地方很細,客人主要係企位/拎走食

剛好一行四人,可以點哂四款口味(雖然已經吃到很飽)
凍檸賓乳酪:呢個既雪糕酸味較重,同想象中既確有差異
不太吃得出係利賓納

蘋果金寶:吸引我既正正係金寶配雪糕,會脆脆既口感,金寶做得挺細膩,
配合雪糕效果相映見絕
不過個人上唔係特別鐘意雪糕中有蘋果
但呢度既蘋果係幾足料既

粒粒黑芝麻:係四個雪糕中,個人認為最出色既係呢個,
係無改錯名,食得到係雪糕中有不少一粒粒既芝麻
很欣賞當中既芝麻香很夠特出

Illy 香濃咖啡:雖然如果可以選擇既情況下係很少會點咖啡味既雪糕
始終還是喜歡甜味既雪糕
但不得不承認咖啡味確係香濃
而分子雪糕作為特色的確係很獨當一面,可以一試
但吃下去沒有感受到太大既差異,
而且雪糕比一般既雪糕溶得要快
如果以索價要30, 40幾蚊一杯雪糕黎講,實在很難會特登吃第二次呢

消費:$46

香港仔魚市場海鮮餐廳:喧賓奪主既海鮮盛宴

香港仔魚市場海鮮餐廳 

地址 : 香港仔石排灣道102號地下
電話 : 2552 7555

朋友們一直都提及好想去香港仔食海鮮
素聞香港仔除左已經無得食既既魚蛋之外,
海鮮亦係非常有名,
朋友們都不算係很愛吃人,要佢地俾$550食海鮮飯局都須要唔少既信心
於是我就左打電話去間餐廳問一問係咩情況
接電話既人非常親切,講野亦很中肯
佢話一大班人黎食會比較食在到多啲野,
因為餐廳係按每一個餸再收加工費既
如果幾個人只可食到幾味,就飽了
而且呢度不做晚市
於是朋友亦同意參加是次既KC xYumtable既飯局了

初次黎到香港仔,飯局既地方正正坐落係近海既魚市場內
沿路行過去既時候一路有人用手推車推住一盒盒既海鮮,很有風情
飯局既地點不太容易發現,


裝修同佈置都好似飯堂,裝修以簡樸實用為主
坐既係大圓檯既一席

大家都懷住十分興奮既心情等開飯

回頭一望,見到有一個姐姐拎住一個大既銀色桶,原本係魚湯!
海鮮老火湯:
湯呈奶白色,極鮮甜
相信其他地方都幾難飲到
一黎要用好多心機㷛,係㷛左好多個鐘而成既
二黎講緊要用好多種鮮魚,
入面正係新鮮用十種以上鮮魚㷛既, 成本不低,
三黎飲既人數要多先可以飲到,呢一大煲湯最少係五圍分量,仲有超過一半人添飲
所以呢個湯平時基本上係點唔到既
雖然知道要留肚,但都忍唔住飲左兩碗
旁邊既友人大推飲左三碗


湯淨差唔多三分一既時候,驚見有好多湯渣,係煲得熔熔爛爛既魚肉同魚骨,
果然足料


下一味係白灼海中蝦
打捕蝦子既方法並唔係大多用既電捕,而係新鮮打撈既
蝦子很夠大隻,食落明顯係新鮮既,爽口鮮嫩,
肉質唔係梅既
蝦身既點點清晰可見
一般我係唔食蝦頭既膏既,但呢一批蝦頭既膏分量多而鮮味,
點上一點點豉油味道更佳



椒鹽鮮魷:
魷魚肉比一般既要厚身,很有咬勁,
個人上較喜歡食炸魷魚身,
配上一層薄薄既麵粉皮
確有比一般既優秀


椒鹽鮑魚:鮑魚本係一道名貴,應最令人期待既一道,
但反而覺得呢一道未見特色
吃不出鮑魚既鮮味,
只食到呢一件很厚身既鮑魚


清蒸游水老鼠斑:
老鼠班既身係較大而頭係明顯偏小既
賣相的確很適合飲宴用,
肉質係爽滑既,魚既表面亦係光滑既
但一如其他既大魚有既情況,欠缺左魚天然既鮮甜,食落係無咩味既



蒜蓉蛋白篜蟹:
上菜既時候,食友見到都不禁嘩一聲
可惜用既係蟹乸,個人偏偏不好食落硬身既膏
但不得不承認蟹膏確實很多
蟹肉亦算幾夠實淨,不過不失


蒸海鹹鮮:一道看似不太值錢既菜式,但反而呢一道係我盛讚既一道
因為馬鮪既體積較細,不太上得了檯面,於是加鹽放上幾小時再蒸
魚既鮮味同鹹香味很強烈,淨食會較鹹
即使食到好飽亦要配埋少少白飯食
令人印象深刻


開邊篜本地龍蝦:
難得龍蝦肉既分量同龍蝦既係成正比既
肉質紮實豐盛,蒜香味很重


西多士:
係開席之前已經有食友話必食西多士,係即整既
西多士切成兩口既大小,整齊既一塊一塊咁排列係碟中
如果要用4個字形容呢件西多士既,
我會用喧賓奪主吧
明明係一個食海鮮既地方,但看不到有關聯既西多士竟做得如此出色,
實在令人讚不絕口
外表炸到金黃色、漲卜卜既,食落去好食到覺得同以前食既西多士係兩回事
西多士入面既鬆軟程度有如牛角包,
煉奶既分量剛好,對好食既西多士有畫龍點晶之效
敢講係食過最好食既西多士,比泗益既還要好食
身旁既人都食到讚不絕口


總的來說,雖然懷住好大既期望黎呢次飯局,但依然無失望,仲有喜出望外之感
要感謝KC係5:30am去到漁船度為飯局揀海鮮
因此食到既海鮮都很優質
西多士實在很讚!

消費:$560(加左白飯)